今日搵左幾款snack
bar 做試食, 都是在超市有賣, 標榜健康的零食. 聽落健康, 但其實係咪真? 最仲要既係
好唔好食先? 零食唔係要嚟飽肚, 唔好食千奇咪攪.
試食既
snack bar 主要分為cereal bar 穀麥條及nut bar 果仁棒. 另外仲有近排大谷廣告既大豆棒.
穀麥條顧名思義就係用類似早餐麥片做主要材料, 纖維高, 價錢便宜.
果仁棒是用堅果加上水果乾做成,
真材實料, 價錢相對高一些.
而大豆棒基本上就是用大豆粉做成, 但大豆本身沒有什麼味道, 要加入大量調味.
一拆開來看, 穀麥條基本上就係將早餐加奶食果D cereal 壓在一早製成.
果仁棒睇起嚟精彩些, 有不同種類既果仁同乾果. 同樣澳洲製造既Fruit & Nut Delight , Go Natural既果仁棒睇起嚟色彩明亮d, 應該係比較新鮮. 而用料方面,
Be Natural 多用花生同葡萄乾, Go Natural 就多D杏仁同杏桃.
而大豆棒睇起嚟就好似一條長餅乾, 沒什麼吸引.
好了, 開始試食, Oat’s n Honey 食落幾脆, 唔算太甜,
但食左兩啖開始有D拮, 哽住個口 …再食落去有D食粗糧既感覺. 食下食下, 點解覺得自已似左隻馬嘅? 一包有兩條,
一條都食唔晒…
Nut
bar 睇落好味好多, 但Be Natural 果隻真係冇咁新鮮, 焾晒, 而且所有材料用糖漿壓埋一舊,
欠缺口感, 除左甜味唔係好食得出仲有乜野味.
Go
Natural 既nut bar, 可能因為用蜜糖而唔係用糖漿, 咬落有d散, 但反而粒粒果仁, 乾果分名, 食到唔同既口感同味道. 粒杏仁切開白雪雪, 好新鮮, 而且食到係焗過既, 仲keep 到好香脆.
大豆棒睇落似餅乾, 但原來一d 都唔脆, 食落焾焾地, 又有D 韌, 好奇怪, 有D濕又有D粉既感覺唔係咁好受. 葡萄乾只有甜味, 又冇黃豆既香味, 冇乜興趣食落去添. 唔怪得要賣咁多廣告.
之於健康與否, 下回分解….
http://healthnaturally.mysinablog.com
http://healthnaturally.blog.com
No comments:
Post a Comment